Í kvøld byrjar Champions League aftur. Bæði Real Madrid og Juventus skulu vinna, um tey skulu hava nakran møguleika at koma víðari til fjórðingsfinalurnar. Í hesum førinum er talan um seinnu uppgerðina í 1/8 finalunum.
Real Madrid hevur vunnið kappingin heilar 13 ferðir, sum er met. Seinastu tríggjar ferðirnar hevur tað verið við Zinedine Zidane sum venjara. Eftir ein steðg er hann aftur venjari í Real Madrid, og í kvøld er brúk fyri øllum góðum kreftum hjá spanska høvðusstaðarfelagnum.
Teir eru á vitjan á Etihad leikvøllinum hjá Manchester City. Pep Guardiola og hansara menn vunnu fyrra dystin 2-1. Tí skal Real Madrid fram at skjóta minst tvey mál, fyri at hava nakran møguleika at koma víðari. 1-0 er ikki nokk og 2-1 útloysir longda leiktíð.
Ein spælari, sum ikki verður á vøllinum fyri Real Madrid er Gareth Bale. Hóast hann fleiri ferðir hevur verið Real Madrid góður í avgerandi dystum seinnu árini, so er hann endaður í eini støðu, har hann bara situr á bonkinum. Hann er ókláur við leiðsluna í felagnum og upp til fleiri ferðir gjørt seg upp á bonkinum, við at sita og geispa og hálvgunn sova.
- Tað einasta, sum eg kann siga er, at hann ynskir ikki at spæla. Tað er ein samrøða millum meg og hann. Garteh Bale er ikki skaddur, segði Zinedine Zidane á tíðindafundi í gjár.
##med2##
Bretskir miðlar siga seg vita, at Garteh Bale ongan hug hevur at ferðast til Manchester við felagnum, tá hann væl veit at hann ikki kemur á vøllin.
Ronaldo má bjarga Juventus
Cristiano Ronaldo hevur útmerkað seg sum ein Champions League spælari. Hann hevur met fyri flest mál í kappingini og hevur vunnið hana fleiri ferðir við Real Madrid, og eina ferð við Manchester United.
##med3##
Skal hann vinna Champions League við Juventus í ár, so krevur tað ein sigur á franska Lyon, ið vann fyrra dystin 1-0. Hesa ferð er dysturin í italia, men tað verður uttan áskoðarar. Juventus er italskur meistari fyri níggjundu ferð upp í slag, men tað er langt millum sigarnar í Champions League.
Fyri Juventus kemur tað illa við, at Paulo Dybala hevur verið skaddur. Hann verður væntandi ikki við í kvøld. Fyri Lyon kemur tað hinvegin væl við, at Memphis Depay er tøkur aftur eftir longri skaðasteðg. Hollendski miðvallarin er stóra stjørnan hjá Lyon.
Champions League 1/8:
Í kvøld:
Juventus (0) – (1) Lyon (20.00)
Manchester City (2) – (1) Real Madrid (20.00)
Leygardagin:
FC Barcelona (1) – (1) Napoli (20.00)
Bayern Munchen (3) – (0) Chelsea (20.00)
