Taks hevur nú gjørt støðuna upp og er komin til ta úrslit, at tilsamans hava 17.041 føroyingar goldið ov nógv í skatti.
Og júst í hesum døgum fáa teir hugalig boð frá Taks um, hvussu nógv, teir fáa aftur.
Og onkur fær nokk so fitt, tí tilsamans hava teir goldið 48.950.963 krónur ov nógv í skatti.
Hetta er heldur minni enn 2012, tí tá fingu 16.401 skattaborgarar tilsamans 53.099.429 krónur aftur í skatti.
Hinvegin hava 1.155 fólk goldið ov nógv í skatti og tey fáa nú eina rokning. Tilsamans skulu tey rinda Taks 2.809.419 krónur, sum tey hava rindað ov lítið í skatti.
Hjá 19.963 skattgjaldarum passaði skatturin, sum teir høvdu goldið í 2013, við endaligu útrokningina av skattinum fyri árið.
Er avlopsskatturin minni enn 25 kr. verður hann ikki útgoldin, eins og írestandi skattur á minni enn 100 kr. ikki verður kravdur.
|
