Á stórum altjóða bilastevnum er tað vist sum amen í kirkjuni, at vakrar kvinnuligar modellir eru við til at sýna nýggjar bilar fram.
Men nú er ivasamt, um gestinir á stóru bilastevnuni Shanghai Autoshow fáa gleðina av vøkrum kvinnunum framman fyri bilarnar.
Reuters skrivar, at fyrireikararnir av stevnuni hava fingið eina áheitan um seta bann fyri, at kvinnurnar – sum stundum eru lættklæddar – skulu brúkast til at sýna bilarnar fram.
Ein talsmaður fyri fyrireikararnar sigur, at nú verður umhugsað, um eitt bann skal setast í verk.
