Talan er um cameroonska leikaran, Eric Bassombeng, sum hevur royndir frá bestu svensku deildini.
Mikudagin kemur cameroonski leikarin, Eric Bassombeng, til Víking at royndarvenja. Tað váttar formaðurin í Víkingi, Brandur Jacobsen fyri in.fo.
Leikarin spælir sum høgri vongur, men kann eisini leika aðrastaðni í álopinum. Eric Bassombeng fekk ein knæskaða í 2012, meðan hann spældi við GAIS í bestu svensku deildini, og hevur síðani ikki fingið fasta spælitíð.
Frá 2008 og fram til 2010 spældi hann við Ørebro í bestu svensku deildini, áðrenn hann skifti til GAIS í 2011.
Nú skal hann so royndarvenja við Víkingi.
