Viljormur Davidsen spældi allan dystin á vinstra bakki, tá lið hansara, Helsingborg á heimavølli tapti 1-2 fyri AIK Stockholm.
Anthony van den Hurk legði Helsingborg á odda beint undan steðginum, men í seinna hálvleiki vendi AIK dystinum við at skora tvey mál fyrsta stóra korterið av seinna hálvleiki.
Helsingborg liggur nú aftast í Allsvenskuni við fimm stigum. Tó er bert eitt stig upp til Sundsvall, ið er triðaftast við seks stigum.
Helsingborg spælir aftur 27. juni. Tá verður Malmö FF mótstøðuliðið á útivølli.
Nations League verður á skránni hjá Viljormi komandi vikurnar.
HER ber til at síggja hæddarpunktini frá dystinum millum Helsingborg og AIK:
##med2##
