Á útivølli móti Melsungen spældu Elias Ellefsen á Skipagøtu og liðfelagarnir í THW Kiel javnleik 23-23. Tað gekk illa í hond hjá Kiel í fyrra hálvleiki, og í steðginum var Melsungen á odda 16-11.
Elias gjørdist saman við Nikola Bylik toppskjútti hjá Kiel. Teir skutu fimm mál hvør. Elias var eisini noteraður fyri eitt upplegg til mál.
Talan var um seinasta dystin í bundesliguni hetta kappingarárið.
Komandi leygardag klokkan 17 skal Kiel spæla hálvfinalu móti krútsterka Barcelona í hálvfinaluni í Final Four í Champions League í Lanxess høllini í Köln.
HER ber til at síggja ein samandrátt frá dystinum. Á upptøkuni síggjast góð mál og fríspælingar hjá Eliasi:
##med2##
