VIDEO: Meinhard legði upp til sigursmálið hjá Mjøndalen

(Video) Meinhard E. Olsen fekk eina góða byrjan uppá kappingarárið við Mjøndalen

Hetta kappingarárið roynir føroyski landsliðsspælarin, Meinhard E. Olsen seg í Mjøndalen í næstbestu norsku fótbóltsdeildini.

 

Mjøndalen vann í kvøld 1-0 á gamla liðnum hjá Julian Johnsson, Kongsvinger á heimavølli.

 

Sigursmálið kom tá eitt korter var farið av fyrra hálvleiki. Meinhard legði eina góða sending inn í brotsteigin hjá Kongsvinger har Martin Ovenstad sendi hann í netið til 1-0.

 

Meinhard var skiftur út í tíðini sum dómarin hevði lagt aftrat í seinna hálvleiki. 

 

Komandi mánakvøld spælir Mjøndalen móti Start Kristiansand á útivølli.

 

Her ber til at síggja hæddarpunkt frá dystinum millum Mjøndalen og Kongsvinger.

 

##med2##