Fótbóltslagið er gott í Horsens.
Við málleysum javnleiki á heimavølli móti Randers FC fingu Hallur Hansson og liðfelagarnir eitt stig sum merkir, at Hobro og Esbjerg ikki kunnu røkka á AC Horsens á stigatalvuni.
Sostatt hevur AC Horsens tryggjað sær eitt pláss í donsku Superliguni komandi kappingarár.
Í Niðurflytingarbólki 2 hevur Randers FC 39 stig, AC Horsens 37 stig, Hobro 24 stig og Esbjerg 22 stig. Hobro og Esbjerg hava bara fýra dystir eftir at spæla, og Hobro kann í mesta lagi fáa 36 stig, eitt stig minni enn AC Horsens hevur nú.
Hallur Hansson var við í onkrum góðum atsóknum í dystinum móti Randers FC í dag.
Sunnudagin 28. juni spælir AC Horsens móti Randers FC á útivølli.
HER ber til at síggja hæddarpunktini frá dystinum millum AC Horsens og Randers FC:
##med2##
