Íslendingar stórfegnast. Triðja árið á rað hevur eitt íslendskt lið vunnið seg til deildarspælið í Conference League.
Í kvøld vann Breiðablik seg á øðrum sinni til høvuðsumfarið. Fyrru ferð í 2023 var Klæmint A. Olsen ein av lyklaleikarunum hjá Breiðablik.
Í kvøld vann Breiðablik 3-1 á sanmarianska meistaraliðnum, Virtus í Sarravalle. Breiðablik vann 2-1 á heimavølli, og vann sostatt ein samlaðan 5-2 sigur.
Í fjør vunnu Gunnar Vatnhamar og liðfelagarnir í Víkingi Reykjavík seg í deildarspælið í Conference League.
Banamennirnir hjá Vikingi, norðurírska liðið, Linfield tapti 0-2 og 1-3 fyri írska meistaraliðnum, Shelbourne, ið vinnur seg í deildarspælið við einum samlaðum 5-1 sigri.
Banamennirnir hjá KÍ, Neman Grodno úr Belarus tapti 0-4 og 0-1 fyri La Liga liðnum, Rayo Vallecano.
Banamennirnir hjá HB, Brøndby megnaðu javnleik 0-0 á útivølli, men taptu 2-3 á heimavølli fyri franska liðnum, Strasbourg.
Fyrru banamennirnir hjá Víkingi, Lincoln Red Imps úr Gibraltar hava vunnið seg í deildarspælið í Conference League. Teir taptu 1-5 og 0-4 fyri portugisiska liðnum, Braga í Play Off dystunum til bólkaspælið í Europa League.
##med2##
