Hallur Hansson var liðskipari hjá AC Horsens seinnapartin í dag, tá lið hansara við 1-0 sigri á AaB á CASA leikvøllinum í Horsens. Hallur Hansson skoraði sigursmálið tá ein stórur tími var farin av dystinum tá hann fangaði ein returbólt og meddaði bóltin í netið.
Við sigrinum hevur AC Horsens 11 stig upp til OB á triðaftasta plássinum, og tað eru bara 15 stig sum AC Horsens kann vinna í fimm teimum seinastu dystunum, men teir í AC Horsens fara at stríðast fyri sínum lítla møguleika at sleppa undan niðurflyting.
AC Horsens – AaB 1-0 (0-0)
1-0 Hallur Hansson (61.)
Suðuri í Haderslev fekk Viljormur Davidsen eitt korter av spælitíð tá lið hansara, Vejle tapti 0-1 fyri SønderjyskE.
Vejle liggur tó rættiliga væl fyri í niðurflytingarbólkinum. Teir eru sjey stig frammanfyri Lyngby á næstaftasta plássinum, men vinnur Lyngby á OB í Odense seinni í dag eru bara fýra stig á muni.
Fríggjadagin - Dýra Biðidag - møtast AC Horsens og Vejle á CASA leikvøllinum í Horsens.
Støðan í niðurflytingarbólkinum:
| Nr | Lið: | Dystir | V | J | T | Mál skorað | Mál ímóti | Málmunur | Stig |
|---|---|---|---|---|---|---|---|---|---|
| 1 | AaB | 27 | 9 | 9 | 9 | 33 | 38 | -5 | 36 |
| 2 | SønderjyskE | 27 | 10 | 5 | 12 | 37 | 39 | -2 | 35 |
| 3 | Vejle | 27 | 8 | 8 | 11 | 30 | 39 | -9 | 32 |
| 4 | OB | 26 | 7 | 9 | 10 | 29 | 34 | -5 | 30 |
| 5 | Lyngby | 26 | 6 | 7 | 13 | 30 | 47 | -17 | 25 |
| 6 | AC Horsens | 27 | 4 | 7 | 16 | 21 | 46 | -25 | 19 |
HER ber til at síggja hæddarpunktini frá dystinum millum AC Horsens og AaB:
##med2##
