Tey, sum síggja Televarpið, løgdu kanska til merkis, at tað týs- og mikukvøldið bar til at síggja Champions League fótbólt á fleiri rásum.
Televarpið hevur nevnliga gjørt avtalu við Viasat, soleiðis at rásin, sum vanliga verður nýtt til Viasat Nature/Action ístaðin verður nýtt til Sport2, tá hetta verður mett neyðugt.
Og her er tað í løtuni serliga Champions League dystirnir, sum hava áhuga.
Enn er talan tó bert um fyribils avtalu við Viasat, men einki er at ivast í, at føroyskir fótbóltsfjepparar vóna, at talan verður um eina varandi avtalu.
