Steypafinalan hjá kvinnum verður blást ígongd klokkan 13.30, og tá ræður um at vera púrasta til reiðar. Ikki bara hjá spælarunum, men eisini hjá áskoðarunum.
Í Vestmanna hittast áskoðararnir í høllini klokkan 10.30 til andlitsmáling og upphiting, umframt at U21-liðið hjá monnum eisini spælir móti StÍF um somu tíð.
Klokkan 12 koyra bussar frá parkeringsøkinum við skúlan, og á heimasíðuni verður heitt á tey, sum eiga gular búnar, at vera í hesum, tá møtt verður.
