Í 15 ár hevur Danski Fólkaflokkurin fingið støðugt fleiri veljarar, men hevði fólkatingsval verið í dag, hevði flokkurin fyri fyrstu ferð øll hesi árini fingið afturgongd. Ein meiningakanning, sum Greens hevur gjørt fyri Børsen, vísir, at hevði fólkatingsval verið nú, hevði Danski Fólkaflokkurin fingið 10,7 prosent av atkvøðunum ímóti 13,9 prosentum á seinasta vali.
Sambært Børsen hevur flokkurin ikki havt so lítla undirtøku síðani mai í 2004.
Rune Stubager, valgranskari á lærda háskúlanum í Aarhus, sigur við blaðið, at Danski Fólkaflokkurin missir veljarar, tí fyri fyrstu ferð er flokkurin gingin við til at spara á vælferðarøkinum saman við stjórnini.
-Harvið hevur hann rakt síonar egnu og møguligar nýggjar veljarar, sigur granskarin við Børsen.
