Vit vita eisini, at veddað hevur verið um hetta í Løgtinginum, og at ølkassar standa upp á spæl, bæði um hann verður á listanum – ella ikki.
Hvor om alting er, so er tað ikki nóg mikið at stilla upp. Tú skalt eisini veljast á ting. Sambært fólkatingsvalinum, sum Tórbjørn Jacobsen sigur, at »Tjóðveldi tapti so dyggiliga«, so halda veljarar hjá Tjóðveldi ikki, at Tórbjørn Jacobsen skal vera í fremstu røð. Við sínum 142 atkvøðum er hann aftan fyri fýra sterkar kvinnur – og Høgna Hoydal. Men tað gevur honum eitt sættapláss, og tað kann vera nóg mikið til tess at fáa fótin inn um tinggátt.
Greitt er, at Tórbjørn Jacobsen vil aftur á ting. Spurningurin er, um Tjóðveldi vrakar hann – ella tekur hann á listan.
Ta avgerðina eiga limir í valfeløgunum.
