Landsverk hevur almannakunngjørt ársfrágreiðing sína fyri 2014, og her verður staðfest, at tað í ólukkumát vanta pengar til viðlíkahald av føroyska vegakervinum.
Landsverk grundgevur fyri hesum við at vísa á, at í krónum og oyrum er játtanin til viðlíkahald skerd við 20% síðani 1996. Samstundis eru nú fleiri kilometrar av vegi at viðlíkahalda, trýstið á vegakervið er størri (fleiri bilar eru), og tølini eru ikki javnað fyri prísvøkstur. Var játtanin prístalsjavnað við 1,5% um árið síðani 1996, hevði játanin til viðlíkahald av vegakervinum verið á leið 124 mió kr. Hon er í dag 43 mió kr., skrivar Landsverk millum annað í frágreiðingini. Samstundis verður víst á, at rakstrarútreiðslurnar á fíggjarlógini annars eru meira enn tvífaldaðar.
