Tað er nýggjur FM vinnari í fótbólti. Víkingur hevur ongantíð áður vunnið meistaraheitið, sum tó hevur verið seks ferðir áður í Sarpugerði. Hetta var frammanundan, at LÍF og GÍ løgdu saman í Víking fyri stívliga níggju árum síðani.
HB (22), KÍ (17), B36 (11), TB (7) og GÍ (6) hava vunnið flest FM heiti. B68 hevur vunnið tríggjar ferðir og EB/Streymur hevur vunnið tvær ferðir.
Nú eru tað seks lið, sum hava vunnið FM einaferð. Tað fyrsta var SÍ, sum vann FM í 1947. So vann ÍF í 1979, B71 í 1989, VB í 2000, NSÍ í 2007 og so nú Víkingur í 2016.
Síðani kappingin í 2005 varð víðkað at fevna um 27 umfør, er meistaraheitið fimm ferðir vunnið við fleiri enn 60 stigum. Tríggjar ferðir er tað komið fyri, at eisini liðið á næstovasta plássinum hevur ognað sær 60 stig.
60 stig og fleiri enn so
2016 Víkingur 61, KÍ 60
2015 B36 61
2014 B36 61, HB 60
2011 B36 67, EB/Streymur 60
2007 NSÍ 61
| |||
FM vinnarar 1942-2017 | |||
HB | 22 | ||
KÍ | 17 | ||
B36 | 11 | ||
TB | 7 | ||
GÍ | 6 | ||
B68 | 3 | ||
EB/Streymur | 2 | ||
SÍ | 1 | ||
ÍF | 1 | ||
B71 | 1 | ||
VB | 1 | ||
NSÍ | 1 | ||
Víkingur | 1 | ||
