17 mál vóru á muni, tá VB vann greitt á VÍF í Vági í gjár. Úrslitið var 33-16.
Eftir fyrra hálvleik var annars einki sum bendi á, at sigurin skuldi verða so greiður. Kvinnurnar úr Vestmanna runnu aftaná, men tað skrædnaði ongantíð millum liðini. Fimm mál skiltu liðini í hálvleiki, úrslitið var 16-11, men tá VB fekk heili 10 mál upp í slag, uttan at gestirnir svaraðu aftur, var leyst og liðugt. Serliga stóð málverjin hjá VB, Jurga, seg væl.
VB rennur aftaná
Vágskvinnur, sum kappast við Stjørnuna og Kyndil um finalupláss, hava staðið seg væl higartil í hesum kappingarárinum, og tær eru nærmasti kappingarneyti hjá oddaliðnum Neistanum, sum støðan er nú.
