Meðan meginparturin av amerikanska vinnulívinum kærir sína neyð um vantandi framburð, hevur amerikanski hernaðarídnaðurin jól og góðar dagar.
Nýggj hagtøl hjá myndugleikunum vísa, at hetta fíggjarárið, sum endar í september, fer USA at útflyta vápn og hernaðarligar tænastur fyri 46 milliardir dollarar ella 236 milliardir krónur. Tað er tvær ferðir so nógv sum í fjør og fleiri ferðir meiri enn í 2009.
Tey fyrstu árini aftan á túsundáraskiftið útflutti USA vápn fyri einar 10 milliardir dollarar árliga, men aftan á 2005 vaks útflutningurin nógv. AP skrivar, at krígsførslan í Irak og Afghanistan og Nato-átakið ímóti Libya hava givið amerikanska hernaðarídnaðinum nógv arbeiði.
