Amerikanska løgmálaráðið boðaði í dag frá, at tað kanska fer at biðja ein dómara um at noyða Google at selja partar av virkseminum.
Hetta skrivar tíðindastovan Reuters.
Tað kundi til dømis verið Chrome browsarin ella Android stýrisskipanin.
Í august kom ein dómari fram til, at Google, sum stendur fyri umleið 90 prosentum av øllum leitingum á netinum, hevur bygt upp eitt ólógligt monopol.
Júst hetta fer Løgmálaráðið at royna at broyta.
Ætlaðu tiltøkini kunnu møguliga broyta, hvussu amerikanarar finna upplýsingar á netinum, minka um umsetningin hjá Google og harvið geva kappingarneytunum møguleika at gerast størri.
- At bøta um skaðan krevur ikki bara at fáa enda á eftirlitinum hjá Google við útbýtinum í dag, men eisini við seinni veitingunum, sigur Løgmálaráðið.
Google, sum ætlar at kæra málið, sigur í einum blogginnleggi, at amerikansku uppskotini eru "víðgongd".
Google hevur gjørt árligar gjaldingar, eitt nú til Apple, fyri at tryggja, at leitimaskinan hjá felagnum er framyvir eisini er leitimaskina á snildfonum og kagarum. Hetta hevur verið við til at Google hevur kunnað varðveitt sín ráðandi marknaðarpart.
Samstundis sigur Google, at fyritøkan hevur vunnið stríðið um brúkarar við góðskuni á leitimaskinuni. Millum annað er kapping frá Amazon, verður sagt, og brúkarar kunnu sjálvir velja at hava eina aðra leitimaskinu sum fasta innstilling.
Alphabet - móðurfelagið hjá Google - er heimsins fjórðstørsta felag mált eftir marknaðarvirði.
Men felagið hevur fleiri av rættarligar avbjóðingum.
Mánadagin dømdi ein dómari í einum av málunum, at Google skal lata sín lukrativa app-handil, Play, upp fyri størri kapping. Hetta merkir millum annað, at Android-appir frá kappingarneytum í størri mun skulu latast upp.
Ritzau/Reuters
