Kristi Himmalfaradag byrjaði landskappingin í tí næstbestu íslendsku fótbóltsdeildini. Leiknir við Dánjal á Lakjuni tóku ímóti Tindastóll á heimavølli. Dysturin endaði við javnleiki 1-1. Bæði málini fullu í seinna hálvleiki, Tindastóll legði seg á odda fyrst, og Indriði Áki Þorláksson javnaði fyri Leiknir.
Undir greinini sæst ein upptøka við hæddarpunktunum frá dystinum millum Leiknir og Tindastóll, har sæst eisini, at Dánjal á Lakjuni hevur eina góða roynd, sum málverjin hjá Tindastóll bjargaði.
Tað er Guðmundur Ólafur Birgisson, sum hevur gjørt upptøkuna.
