Ukraina og Russland eru samd um at býta um 314 krígsfangar.
Hetta veit serligi sendimaðurin hjá USA, Steve Witkoff, at siga í dag.
Í løtuni eru samráðingar millum umboð fyri USA, Ukraina og Russland í Abu Dhabi.
Sambært serliga sendimanninum er fangabýtið eitt av málunum, sum partarnir eru vorðnir samdir um.
- Samráðingarnar fara at halda fram, og vit vænta, at framgongd verður í samráðingunum næstu vikurnar.
Hetta skrivar Steve Witkoff á X, fyrrverandi Twitter í dag, og tað er tíðindastovan NTB, sum endurgevur.
