Løgreglan í Tsjernihiv sigur í dag, at russar enn einaferð hava fram álop á sivil mál í Ukraina, hesaferð í býnum Tsjernihiv.
- Fleiri eru deyð, og onnur hava fingið skaða. Millum tey deyðu er eisini ein amerikanskur ríkisborgari, verður lagt aftrat.
Fyrr í dag varð upplýst, at bjargingarfólk arbeiddu við at flyta tey skaddu á sjúktahús og aðra staðir, har tey kundu fáa heilsuhjálp.
Guvernørurin í fylkinum, sum býurin, Tsjernihiv, er partur av, sigur, at fleiri eru deyð í álopinum, og veganetið er í knúsi.
- Fíggindin heldur fram við sínum systematisku álopum á høvuðsstaðin í fylkinum og oyðileggur sivila undirstøðukervið.
Guvernørurin kallast Viatsjeslav Tsjaus, og hann hevur sambært CNN lagt hesi úttalilsi út á sosiala miðilin, Telegram.
Hann leggur aftrat, at bara í gjár doyðu 53 fólk í økinum í russiskum álopum.
Útlendskir miðlar skriva, at Tsjernihiv er millum teir býir, sum hevur verið harðast raktur av russiskum álopum, og her eru nógv fólk deyð.
