Tíðindaskriv frá Ræst:
Hetta er nevniliga fyrstu ferð, at ein kokkur við trimum Michelin-stjørnum vitjar og ger mat á einari føroyskari matstovu.
Vit hava tann stóra heiður at bjóða Martin Öfner, høvuðskokki á trýstjørnaðu Michelin-matstovuni Zén hjá Björn Frantzén í Singapore, til eitt serligt “Four Hands Dinner-kvøld” saman við okkara egna køkstoymi.
Martin Öfner er uppvaksin í eysturríksku Alpunum og hevur arbeitt á nøkrum av mest viðurkendu matstovunum í Evropa, millum annað Geranium í Keypmannahavn og De Librije í Hollandi. Hann er kendur fyri sína neyvu og rafinneraðu tilgongd til matgerð, har japanskar rávørur verða sameindar við norðurlendskan frískleika – alt grundað á klassiskan franskan teknikk og hansara serliga áhuga fyri at ræsa.
Saman við Sebastian Jiménez og toyminum á Ræst fer hann hetta kvøldið at skapa eina serstaka smakkmatskrá. Her verður dentur lagdur á føroyskar rávørur, sjógæti og ræstar siðvenjur, sum verða lyftar upp á altjóða støði við hansara sermerkta stíli.
Hetta verður eitt heilt serligt kvøld, og vit gleða okkum ómetaliga nógv at bjóða gestum til okkara fyrsta “Four Hands Dinner” í ár.
##med2##
##med3##
##med4##
