Amerikanski forsetin, Donald Trump, útnevnir guvernøran í Louisiana, Jeff Landry, sum amerikanska sendimann til Grønland.
Hetta skrivaði Trump í nátt okkara tíð á sínum egna sosiala miðli, Truth Social.
Landry er vitandi um, hvussu avgerandi Grønland er fyri amerikansku tjóðartrygdina, sigur Trump.
– Eg eri fegin um at kunngera, at eg seti einastandandi guvernørin í Louisiana, Jeff Landry, sum amerikanska sersendimann í Grønlandi.
- Jeff skilir, hvussu avgerandi Grønland er fyri okkara tjóðartrygd, og hann fer at fremja áhugamál okkara tjóðartrygd, og hann vil fremja áhugamál okkara og hjá okkara sameindu – og sanniliga øllum heiminum, skrivar Donald Trump.
54 ára gamli republikanski Jeff Landry hevur verið guvernørur í Louisiana síðani januar 2024.
Ógreitt er, um leikluturin sum amerikansk sendimaður í Grønlandi fer at hava við sær, at Landry noyðist at leggja frá sær sum guvernørur.
Donald Trump hevur fleiri ferðir luftað tankan um, at USA skal yvirtaka Grønland av trygdarávum.
Donald Trump hevur eisini sagt, at hann vildi ikki útilokað at brúka hernaðarmegi fyri at fáa tamarhald á Grønlandi.
Útsøgnirnar elvdu til altjóða politiskan órógv, og tær stuðlaðu undir, at viðurskiftini millum USA og danska kongaríkið í eitt tíðarskeið vóru ógvuliga spent.
/Ritzau/
