Hóast danska hondbóltslandsliðið hevur spælt seg í hálvfinaluna í HM-endaspælinum í Kroatia, so eru ikki bara jól og glaðir dagar í danska HM-hópinum. Jesper Jensen, sum deilir kamar saman við veteraninum, Lars Christiansen, sum hevur spælt við Flensburg Handewitt síðani 1996, er byrjaður at troyttast av skemtisøgunum hjá Lars Christiansen: - Skemtisøgurnar hjá honum eru rættiliga góðar, men trupuleikin er, at vit hava hoyrt tær 500 ferðir. Debutanturin, Niklas Landin flenti í byrjanini, men nú er eisini hann byrjaður at troyttast av skemtisøgunum hjá Lars. Lars hevur einki klókt at siga, so hann er noyddur at royna at verða stuttligur, sigur Jesper Jensen.
