Tríggir føroyingar við nýggjum frímerkjum

Húsfrúgvin í Húsavík, hvalspýggjur og føroyska rósan.

Tað eru myndevnini í trimum nýggjum frímerkjum, Postsa gevur út í dag.

Frímerki við Húsfrúnni á, hvur Edward Fuglø teknað.

- Søgnin um Húsfrúnna í Húsavík er um eina vesælagentu í Skúvoy, sum í dreymi fær kunnleika til hvar gullhornið hjá Sigmundi Brestissyni er grivið niður, sigur Posta.

- Hon fær so ríka samsýning frá kongi fyri gullhornið, at hon kann keypa alla jørðina í Húsavík og aðrastaðni á Sandoy við, so hon gerst ríkasta kvinna, ið hevur livað í Føroyum.

Myndirnar til frímerki við hvalspýggjum á, hevur kavarin, Ingi Sørensen, tikið á niðri á havsins botni

- Hesi fornaldardjór líkjast rúmdarverum úr fremmandum stjørnuskipanum. Margháttligar verur, sum minna eitt sindur um ein gamaldags fallskerm, ið pumpar seg fram gjøgnum sjógvin.

Hvalspýggjurnar á frímerkjunum eru ein vanlig hvalspýggja, levsa, havsljós og Gurkuhvalspýggja.

Myndina av føroysku rósini, sum er á tí triðja frímerkinum, hevur Jens-Kjeld Jensen, tikið.

- Í eini skráseting hjá Kjeld Hansen av føroyskum plantum frá 1960-61, var eingin rósa funnin, so alt bendir á, at rósan er horvin úr føroysku náttúruni hesi seinastu 50 árini.

- Skógrøkt Landsins tók fræ av rósuni í Haldarsvík, og tað er teimum fyri at takka, at vit enn kunnu síggja Føroya einastu rósu.

- Rósan blómar ikki á hvørjum ári, so vit gleðast, hvørja ferð, vit síggja eina blómu, sigur Posta.