Tískil hevur hann leitað sær hjálp frá Kristini Michelsen úr Javnaðarflokkinum og Sirið Stenberg úr Tjóðveldinum til tess at veita Hvalba endurgjald fyri skaðan, sum havnarlagið fekk í kyndilsmessuódnini í 2008.
Saman við Janusi Rein, uttanflokkatingmanni og Poul Michelsen úr Framsókn hava tey lagt uppskot fyri tingið um løgtingslóg um stuðul til Hvalbiar kommunu til umvæling av brimverju.
Herfyri var borgarstjórin á vitjan í Havn, har hann tosaði við tingfólk úr samgongu og andstøðu um at fáa somu fíggjarligu hjálp, sum Skálavík fyri skaðan, sum tey fingu á havnarlagið í somu kyndilsmessuódn.
Og sjarmuferðin hjá borgarstjóranum í Hvalba rigga so mikið væl, at uppskot nú er lagt fyri tingið um at veita kommununi eina millión og 430.000 krónur í endurgjaldi.
Men tað eru altso ikki floksfelagarnir, sum eiga hetta uppskotið, men andstøðan á tingi.
