Við Heðin Mortensen gjørdist Javnaðarflokkurin so sterkur sum ongantíð fyrr – so sterkur, sum bara Poul Michelsen og Petur í Gong fyrr hava klárað.
Hetta var helst ov nógv fyri Tjóðveldi. Nýggja stjørnuskotið hjá Tjóðveldinum, sum nú er vorðið til stjørnuskot hjá Fólkaflokkinum, skuldi við sínum 489 atkvøðunum sita væl undir liðini hjá Heðin Mortensen í flógvum sessi saman við Marin Katrinu Frýdal, sum nú er fyrstakvinna í Tjóðveldinum, eftir at stjørnuskotið fór at fríggja við Fólkaflokkinum.
Men alt tos um hesar borgarstjórar ella ráðmenn hvarv sum døgg fyri sól. Í landsstýrinum tímdu tey ikki at fáast við hetta komediuspæl.
Men á valinum komandi fáa vit at síggja, hvør sterkastur verður. Telvingin um borgarstjóran í Havn er skitin – øll triks verða nýtt, so har kann alt henda – um Tjóðveldi og Javnaðarflokkur ikki tora ella ikki megna at boða frá, at teir halda saman næsta valskeið eins og tey tvey undanfarnu.
Kanska Tórshavnar býráð kann vísa løgtinginum, hvussu blokkpolitikkur virkar í verki...?
