Tobbi fekk sína Ann

Hóast hann sigur seg vera stak óromantiskan, var tað ein fegin Tobbi sum fekk sítt ja frá Ann Ellefsen, tá tey bæði giftust leygardagin

Anna V. Ellingsgaard

12.10.2009 (14:52)

<style type="text/css">  </style>   <o:p> </o:p>   <o:p> </o:p> - Nú hava vit livað uppá polskt í fleiri ár, so tíðin var komin at fáa tað formliga uppá pláss, sigur Tórbjørn Jacobsen, løgtingsmaður, sum um vikuskifti giftist við Ann Ellefsen, studentaskúlalærara. Vígslan var í Glyvra Kirkju, har presturin Meinhard Bjartalíð gifti tey bæði leygardagin. Aftaná var stór veitsla í samkomuhøllini á Studentaskúlanum í Hoydølum, har eini 180 fólk vóru við. <o:p> </o:p> »Nú eru tað vit bæði« - Tað virkar kanska eitt sindur borgaligt at giftast, men vit vóru komin til markamótið, har vit fegin vildu siga fyri øllum at: »Nú skulu tað vera vit bæði«, sigur Tórbjørn. Hann dylur tó ikki yvir, at hetta við at gera hjúnarbandið til nakað heilagt kann virka eitt sindur patetiskt, havandi í huga, at tað samstundis er so vanligt, at hjún fara frá hvørjum øðrum aftur. - Men fyri okkum var tað kortini ein eksistentiell avgerð at taka, nú vit vildu staðfesta formligu samanrenningina okkara millum, sigur Tórbjørn, sum tó viðgongur, at hann ikki fór niður knæ at biðja um hondina hjá komandi konu síni. Í heila tiki heldur hann seg ikki vera serliga romantiskan. - Nei, avgjørt ikki. Men kanska er bara eri ov smæðin til slíkt. Í eini av talunum vildi ein í hvussu er vera við, at mítt framfýsna lyndi bara er eitt skálkaskjól fyri smædni, sigur Tórbjørn. <o:p> </o:p> Frálík veitsla Saman við konuni Ann er Torbjørn sera fegin um brúðarveitsluna, sum eydnaðist avbera væl. Serliga glað eru tey bæði fyri góðu røðurnar frá vinfólkum og kenningum og undirhaldið, ið má sigast at hava verið rættiliga forkunnugt. Skaldið Jóanes Nielsen las nevniliga nakrar yrkingar upp, og eisini sang og spældi Martin Joensen nakrar av sínum sangum. Eisini skemtarin Hilmar Jan Hansen legði leiðina framvið, har hann heilsaðu brúðgóminum við at herma eftir honum, so gestirnir sótu í skellilátri. Á matarlepanum stóð fiskasúpan til forrætt, lambskjøt til høvuðsrætt og omaná var Tiramisu. Leskiliga máltíðin var tann seinasta, sum Leif Sørensen borðreiddi við sum kokkur á matstovuni Gourmet, ið lat aftur um vikuskifti. Enska dansitónleikin syrgdi bólkurin Thunderbirds úr Vestmanna fyri, og so varð annars farið uppá gólv, har 'brúðarvísan gekk sum ongantíð fyrr', sum ein sera fegin og nýgiftur Tórbjørn Jacobsen tekur til. <o:p> </o:p>   
 <o:p> </o:p> <o:p> </o:p> <o:p> </o:p> <o:p> </o:p> <o:p> </o:p> <o:p> </o:p> <o:p> </o:p> <o:p> </o:p>

Tobbi fekk sína Ann

Mest lisið

Nýggjur handil við sex-leikum latin upp í Havn

Søguligt!

Miðflokkurin er ov vinstrasinnaður

Myndir: Javnleikur á Toftum

Myndir: Stórt morgunmatarborð á Viðareiði

Stjórnarleiðari í Slovakia til hátíðarhald í Kina við Putin

Tap í fyrsta kappingardystinum hjá Sasja i Sveis

Søga skrivað hjá føroyska rossinum og í altjóða høpi

Sirið farin á ráðstevnu í Japan

Dagbíbliuskúli í Føroyum