Stutt eftir midnátt í nátt fekk løgreglan fráboðan um, at ein bilførari í Havn helst koyrdi ávirkaður av rúsdrekka.
Tað eydnaðist løgregluni at finna viðkomandi, og vaktleiðarin visti í morgun at siga, at bilførarin hevði rímiliga høga promillu.
Bilførarin, sum varð tikin við inn á støðina, er ikki føroyingur.
- Tí vistu vit ikki í fyrstu syfti, hvør persónurin er, men tað finna vit skjótt út av, og viðkomandi sleppur út aftur.
Vaktleiðarin visti annars í morgun at siga, at nakað av fólki var í býnum í nátt, men tað var heldur kalt í veðrinum.
- Okkurt smávegis var, tá skeinkistøðini lótu aftur, og heitt varð á onkran um at halda seg burtur úr náttarlívinum, sigur løgreglan.
