Nú er tíðin komin til at søkja um starvslønir til listarligt og mentanarligt arbeiði í 2014.
Tað boðar Mentanargrunnur Landsins frá.
Starvslønirnar verða lætnar soleiðis, at ein starvsløn verður galdandi í trý ár, og síðani verða starvlønir lætnar frá einum mánað til 12 mánaðir.
Upphæddin á starvslønini svarar til læraralønina á fólkaskúlans lønarstigi 21, stigi eitt, sum eftir 1. oktober 2012 er 24.696,87 krónur um mánaðin.
Umsóknarbløð fáast á skrivstovuni hjá Mentanargrunni Landsins ella á heimsíðuni hjá grunninum.
