Tað kemur meira enn so fyri, at løgreglan steðgar bilførarum, sum antin koyra ávirkaðir av hassji ella hava hassj uppi á sær.
- Soleiðis steðgaði løgreglan einum bili í norðurøkinum í nátt, har tað vísti seg, at tvey av fólkunum í bilinum høvdu hassj uppi á sær.
Vaktleiðarin visti í morgun at siga, at nøgdin, sum annar persónurin hevði uppi á sær - sonevnt hassjmix - var rættiliga lítil.
- Men, í hinum førinum var talan um eina nøgd av veruligum hassji, sum var nakað minni enn 20 gramm.
Løgreglan sigur, at í tí førinum, har talan var um smáar nøgdir av hassmixi, verður talan helst um eina bót.
- Men, persónurin, sum hevði beint undir 20 gramm uppi á sær, kann vænta at enda í rættinum, legði vaktleiðarin aftrat.
