Fyrr í dag vóru landsliðsleikararnir, Janus G. Djurhuus og Leivur Mortensen saman við Janusi Dam Djurhuus, og liðfeløgunum í FIF á vøllinum aftur í dysti í næstbestu donsku hondbóltsdeildini, aftaná eitt ógloymandi EM-ævintýr við føroyska landsliðnum í Berlin.
FIF spældi á útivølli í Skjern móti liðnum við sjáldsama navninum, Rækker Mølle.
Rækker Mølle vann ein tepran 28-27 sigur. Rækker Mølle var á odda 26-22 tá níggju minuttir vóru eftir. Tað eydnaðist FIF at koma upp á 25-26, men heimaliðið megnaði at skora til bæði 27-25 og 28-26, so teir í FIF blivu akkurát ov stuttir til at knógva eitt stig heim.
Í steðginum var FIF á odda 16-15.
Leivur skoraði fimm mál og Jónas skoraði trý mál.
FIF er nummar níggju í deildini við 14 stigum fyri 17 dystir.
Komandi fríggjakvøld spælir FIF á útivølli móti Køge.
