Anatoly Nogovitsyn, generalur, sigur við russisku tíðindastovurnar, at russiski herurin er farin undir afturtøkuna sambært vápnahvíldaravtaluni, sum Russland og Georgia staðfestu leygardagin. Men sambært generalinum eru málsligir trupulleikar uppií.
- Tað er munur á ensku orðunum "pullout" og "withdrawal", og í samráðingunum við franska forsetan, sum kom við friðaruppskotinum, tosaðu vit um "pullout" og ikki um "withdrawal", sigur russiski varaherovastin sambært Sky News.
- Vit hava sostatt lovað at taka okkum aftur, men ikki út, sigur Anatoly Nogovitsyn, generalur.
