Spanska stjórnin tekur nú tey eyka løgreglufólkini, sum í september vóru send til Katalonia, úr landslutinum.
Blaðið El País vil vera við, at talan er um 10.000 løgreglufólk, sum vóru send til Katalonia í sambandi við umstríddu fólkaatkvøðuna um loysing, ið varð hildin fyrsta dagin í oktober.
Nógvar atfinningar hava verið ímóti framferðini hjá løgreglufólkunum í sambandi við fólkaatkvøðuna.
Spanska innanríkisráðið sigur, at afturtøkan av løgreglufólki er byrjað, og hon verður liðug leygardagin.
Síðani 27. oktober hevur miðstjórnin í Spania havt politisku leiðsluna í Katalonia.
