Føroyska manslandsliðið í hondbólti spælir í morgin klokkan 14 og sunnudagin klokkan 10.30 tveir venjingardystir ímóti finska manslandsliðnum. Báðir dystirnir verða spældir í Helsinki.
Í samband við ferðini gjørdi hondbóltsreportarin hjá FM1 og in.fo, Sjúrður H. Hoydal eina samrøðu við landsliðsvenjaran, Sonni Larsen sum staðfestir, at talan er um tveir týdningarmiklar landsdystir sum fyrireiking til EM-undankappingardystirnar ímóti Montenegro 24. oktober og Danmark 27. oktober.
TRÝST á PÍLIN undir SAVNSMYNDINI, og hoyr samrøðuna Sjúrður H. Hoydal gjørdi við Sonna Larsen. Ljóðgóðskan er nakað skerd.
16 mans eru úttiknir til venjingarleguna, men hópurin kann broytast nakað til landsdystirnar seinni í mánaðinum.
Hópurin:
Nicholas Satchwell, Neistin
Hørður Trygvason, H71
Tróndur Kragesteen, Neistin
Peter Krogh, H71
Vilhelm Poulsen, H71
Brandur Halgirsson, H71
Sjúrður Olsen, VÍF
Vilhelm Vilhelmsen, Team Klaksvík
Hans Eli Sigurbjørnsson, KÌF
Helgi Hildarson Hoydal, Viking Stavanger HB
Kjartan Johansen, Viking Stavanger
Rói Berg Hansen, FIF
Friði Hammer Weyhe, Aars
Jónas Gunnarson Djurhuus, HØJ
Rókur Akralíð, Kyndil
Rógvi Dal-Christiansen, Kyndil
