Tá ið StÍF og KÍF hittast á Skála í dag, so verður stórskjúttin hjá strandingum, Sveinur Justinussen, ikki á vøllinum.
Tíðliga í dystinum móti VÍF í seinastu viku, fór Sveinur Justinussen nevnliga av vøllinum við skaða, og nú er greitt at talan er um álvarsmál.
Stóri skjúttin hevur nevnliga slitið hælsinuna í øðrum fótinum, og hetta krevur skurðviðgerð og drúgvan steðg frá hondbóltinum.
Ógreitt er hvussu leingi strandingurin skal halda steðg, men av Strondum frættist, at hann verður ikki aftur á vøllinum hetta kappingarárið.
