- Verður øll Suðuroy løgd saman í eina kommunu, fer tað serliga at gagna teimum smáu bygdunum.
Tað staðfesta Hallur Ellingsgaard úr Oyndafirði, sum fór upp í Runavíkar kommunu, í Vikuskiftissosialinum, sum er at fáa í blaðsølunum nú.
Hann sigur, at í Oyndafirði hava tey bara notið gott av samanleggingini. Ein annar politikari á smábygd, Sofus Debes Johannesen, við Gjógv er samdur. Hann sigur við Vikuskiftissosialin, at tað hevur at kalla bara verið ein fyrimunur fyri Gjógv at fara upp í Sunda kommunu.
Nú samanlegging enn einaferð er á breddanum í Suðuroy, hevur Vikuskiftissosialurin hesa ferð tosað vit við tveir politikarar, sum hava royndir við samanlegging.
Í Suðuroy eru 43 kommunupolitikarar til 4.600 fólk og í blaðnum vísa vit eisini á, hvat hetta kostar skattgjaldaranum í Suðuroy, bara í løn
Men Hallur Ellingsgaard er sannførdur um, at tá ið kommunur leggja saman, nyttar tað einki, bara at leggja saman á pappírinum.
- Tað, sum er altavgerandi, er, at fólkið leggur saman í høvdinum sigur hann.
Les nógv meiri um hetta í Sosialinum hetta vikuskiftið, har teir báðir siga sína hugsan um samanlegging og greiða frá, hvørjar royndir teir hava.
