Sambært guvernørinum í Kyiv-regiónini, Oleksij Kuleba, er økið hótt av russiskum dronuálopum í kvøld og í nátt.
- Ávaringarlúðrar eru í gongd í regiónini. Vit eru hótt av álopum við Shahed-dronum, skrivar guvernørurin á Telegram.
Eisini í høvuðsstaðnum Kyiv, sum umsitingarliga ikki liggur undir Kyiv-regiónini, eru ávaringarlúðrar í gongd.
Sambært útlendskum tíðindastovum er sama galdandi fyri býir í eystara parti av Ukraina.
Tíðindastovan Ukrinform hevur fyrr í kvøld sagt, at Shahed-dronur eru sæddar yvir býnum, Mykolajiv, har suðuri í Ukraina.
Lagt verður aftrat, at Shahed-dronurnar, sum russar brúka í krígnum í Ukraina, eru framleiddar í Iran.
