Torleif Johannesen, sjómanstrúboðari, helt gamlaárskvøld í gjár saman við familjuni á Nesi, har tey búgva.
Men, sjómanstrúboðarin er ikki ein av teimum, sum brúkar pengarnar upp á fýrverk, tí sjálvur sigur hann, at hann hevur ikki keypt fýrverk í fleiri ár.
Hvat var so besta upplivingin - størsta hendingin - hjá Torleifi í 2017?
- Størsta upplivingin í árinum, sum nú er farið, var, tá vit sum familja vitjaðu í Ísrael seinasta summar.
Um tað keðiligasta í farna ári, sigur sjómanstrúboðarin er, at hann og fólk sum heild eru so trek at fylgja Guðs vilja.
Torleif Johannesen hevur ikki sett sær nakað serstakt fyri í 2018 - ikki enn, sum hann tekur til, men hann vísir á, at Føroyska Sjómansmissiónin fyllir 100 ár í 2018.
- So, árið 2018 verður eitt spennandi ár, sigur sjómanstrúboðarin, sum brúkar nógv tíð upp á at vitja umborð á skip - bæði føroysk og útlendsk - við ymiskum kristiligum tilfari í skjáttuni.
