Amerikanski forsetin, Barack Obama, ætlar sær at hækka bøturnar, sum oljufeløg kunnu fáa fyri oljudálking av slíkum slagi sum dálkingina í Meksikoflógvanum. Eftir teimum reglum, sum nú galda, skal British Petroleum rinda 75 milliónir dollarar til rudding og skaðabøtur.
Barack Obama ætlar at skjóta upp at broyta reglurnar, so oljufeløg kunnu fáa upp í 10 milliardir dollarar fyri álvarssama dálking.
BP hevur sagt, at higartil hevur felagið brúkt 350 milliónir dollarar til rudding og til royndirnar at steðga lekanum.
