Arbeiðið við at gera nýggja undirsjóvarunnilin, ið skal stytta um farleiðina millum høvuðsstaðarøkið og Skálafjørðin gongur so líðandi framá og mangla nú minni enn fimm kilometrar at spreingja í tunlinum. Í vikuligu dagføringini frá tunnilsfelagnum verður upplýst, at nú eru 6.558 metrar sprongdir av teimum ætlaðu 11.250 metrum.
Tað er á Hvítanesi, at mest hevur verið sprongt og helt tann gongdin á í farnu viku, tá 98 metrar blivu sprongdir. Sostatt hevur tunnilstoymið sprongt 3.155 metrar á Streymoyarlandinum.
Undir Skálafjørðinum verður í løtuni sprongt í tvær ættir. Frá rundkoyringini móti Hvítanesi varð í síðstu viku 23 metrar sprongdir og eru har íalt 982 metrar sprongdir, meðan 45 metrar blivu sprongdir í rundkoyringini móti Rókini
