Í Tvøroyrar kommunu eru tey komin við einari áheitan, nú arbeitt verður við at gera spæliplássið í Froðba liðugt.
- Spæliplássið verður skjótt liðugt, men freistandi er sum vera man hjá børnum longu nú at royna tað, ið er sett upp.
Soleiðis siga tey í Tvøroyrar kommunu, har tey herfyri komu við einari áheitan um at ansa eftir, nú alt ikki er liðugt.
- Millum annað er undirlagið ikki lagt á. Tað er tí ikki heilt vandaleyst at brúka spæliplássið sum er.
Í Tvøroyrar kommunu verður tískil heitt á børnini um ikki at brúka spæliplássið í Froðba, fyrr enn kunngjørt er, at tað er liðugt.
Tað er tekniska deild hjá kommununi, sum kemur við hesi áheitan.
