Etiopiska stjórnin hevur havnað einari áheitan um at senda hermenn til grannalandið Somalia Tað var somaliska fyribilsstjórnin, sum bað um at fáa hermenninar. Fleiri túsund etiopiskir hermenn komu til Somalia í 2006, men teir fóru haðani fyrst í hesum árinum.
Nú vil fyribilsstjórnin hava hermenninar at koma aftur at hjálpa somaliska stjórnarherinum í bardaganum við islamskar uppreistrarmenn. Bardagarnir hava verið serliga harðir í høvvuðsstaðnum Mogadishu, síðani ein av ráðharrunum í stjórnini varð skotin seinasta fríggjadag.
Meiri enn 4.000 friðarvarðveitandi hermenn hjá Afrikanska Eindarfelagsskapinum eru í Mogadishu, men teir hava ikki heimild til at leggja seg út í bardagarnar, skrivar AP.
