Í løtuni eru trý partrolarapør til fiskiskap eftir upsa, og eitt par fiskar svartkalva.
Trý partrolarapør eru framvegis á gulllaksaveiði.
Flestu partrolararnir koma inn at landa, sum næsta vika gongur.
Ein djúpvatnstrolari er á svartkalvaveiði og kemur væntandi inn at landa fyrst í næstu viku.
- Djúpvatnstrolarin fiskar bæði í bretskum og føroyskum sjógvi, siga tey á Fiskamarknaði Føroya.
Lagt verður aftrat, at ein frystitrolari fiskar svartkalva í Eysturgrønlandi.
Í løtuni eru tveir trolbátar norðan fyri og fiska tosk og hýsu. Teir fáa eisini nakað av flatfiski.
- Tríggir trolbátar eru á landleiðini. Teir fáa mest av flatfiski og toski. Allir koma inn at landa í næstu viku.
Á Fiskamarknað Føroya siga tey, at tvey garnaskip fiska svartkalva og tvey fiska havtasku.
- Øll fýra garnaskipini hava brúkiligan fiskiskap, verður lagt aftrat.