SMS: Javnt millum H71 og Kyndil - Neistin og StíF vunnu stórsigrar

Tríggir dystir eru higartil leiktir í SMS-deildini í dag.

Dysturin í Hoyvíkshøllini millum H71 og Kyndil endaði við javnleiki 28-28. Í steðginum var heimaliðið á odda 17-16. Kyndil var eitt skiftið á odda 23-20 í seinna hálvleiki, men H71 kom upp á javnt 24-24, og eftir tað var ongantíð meir enn eitt mál á muni. 

Anna Elisabeth H. Weyhe var toppskjútti hjá H71 við níggju málum. Bára K. Hansen var toppskjútti hjá Kyndli, somuleiðis við níggju málum.

Í høllini á Hálsi í Havn vann Neistin málríkan stórsigur 40-30 á VB. Í steðginum var Neistin á odda 20-13.

Maria P. Nólsoy var toppskjútti hjá Neistanum við níggju málum. Rúna M. Jacobsen var toppskjútti hjá VB við sjey málum. 

Í KÍ-høllini í Klaksvík vann StíF stórsigur 34-24 á Stjørnuni. Longu í steðginum var StÍF á odda við níggju málum, 19-10.

Iuliia Nalivko var toppskjútti hjá Stjørnuni við sjey málum. Natasja Hammer var toppskjútti hjá StÍF við 11 málum. 

Klokkan 18 spæla EB og VÍF í høllini á Eiði.

HER ber til at síggja dómaraseðilin hjá HSF frá dystinum millum H71 og Kyndil:

##med2##

HER ber til at síggja dómaraseðilin hjá HSF frá dystinum millum Neistan og VB:

##med3##

HER ber til at síggja dómaraseðilin hjá HSF frá dystinum millum Stjørnuna og StíF:

##med4##