Í kvøld klokkan 20 er sannleikans tími hjá Danmark í Eurovision sangkappingini.
Tá verður seinna hálvfinalan í Basel í Sveis. Millum teir 16 luttakararnar, ið skulu royna at vinna seg millum 10 tey fremstu, og harvið sjálva finaluna, ið verður leygarkvøldið, er føroyska Sissal.
Danmark hevur ikki vunnið seg í Eurovision finaluna síðani 2019. Og tað ríður teimum sum ein marra.
KVF vísir hálvfinaluna.
Verður hugt eftir oddsunum hjá altjóða veddingarfyritøkunum, ið lata odds upp á hálvfinaluna í kvøld, so er tað ikki so bjartskygt við finalumøguleikunum hjá Sissal.
Veddingarfyritøkurnar hava Sissal at enda á einum 14. plássi av teimum 16 luttakarunum.
Møguleikarnir hjá Sissal at vinna seg í finaluna eru 38 prosent, sambært veddingarfyritøkunum. Ísrael, Eysturríki og Finnland hava bestu møguleikarnar at vinna seg i finaluna. Har eru møguleikarnir 95 prosent.
Men tað er - tíbetur - ofta veddingarfyritøkurnar raka við síðunnar av.
HER eru oddsini og prosentsmøguleikarnir hjá teimum 16 luttakarunum:
##med2##
