Stefan Radosavljevic og liðfelagarnir í Sligo Rovers hava nú leikt 11 dystir í bestu írsku fótbóltsdeildini.
Aftaná 11 umfør er Sligo Rovers nummar fimm í deildini við 16 stigum. Sligo hava tvey stig upp til triðja plássið, ið gevur rætt til at taka lut í Europa Conference League undankappingini komandi ár.
Stefan hevur fingið spælitíð í øllum 11 dystunum, og hann hevur higartil skotið eitt mál.
Í vikuskiftinum fekk Stefan tó bert nakrar fáar minuttir á vøllinum, tá Sligo á heimavølli vann 3-1 (2-1) á UC Dublin.
Komandi fríggjakvøld spælir Sligo á útivølli móti Shamrock Rovers.
