Klokkan 14.00 kemur Fíggjarmálaráðið við frágreiðingini hjá Bárði Larsen í nógv umrødda skattamálinum. Sosialurin hevur skrivað um málið síðani 15. apríl 2016. Her er tað, sum í stuttum er hent.
Tíðarlinja:
September 2010 – Gamli Eik Banki fer á heysin
30. september 2010 – Fíggjarligt Støðufesti yvirtekur bankan
14. oktober 2010 – Nýggi Eik Banki Føroyar P/F verður settur á stovn
Oktober 2010 – Fíggjarligt Støðufesti ger skattaskriv, sum ásetur, at einki skattligt virði frá gamla bankanum kann fylgja við í nýggja bankan
18. Februar 2011 – Jørn Astrup Hansen, stjóri í Eik, ger nýtt skattaskriv og staðfestir skattligu viðurskifti einaferð aftrat
Apríl 2011 – TF Holding keypir 70 prosent av bankanum
2012 – Leiðslan sendir sjálvuppgávu inn fyri 2010/2011, har skattafrádrátturin á 90 milliónir krónur er roknaður við
Mars 2013 – Granskoðanin sáar iva um skattafrádráttin
Juni 2013 – Nevndin áleggur leiðsluni at venda sær til Taks at spyrja, um tað er rætt, at Eik fær hasar 90 milliónir í skattafrádrátti
Mars 2014 – Spekt sendir skrivligt upprit til leiðsluna og mælir frá skattafrádráttinum
Juni 2015 – Taks svarar aftur upp á fyrispurningin hjá leiðsluni og játtar frádrátt yvir 10 ár. Síðani spyr nevndin eftir at síggja brævið, sum sent var til Taks. Tá vísir tað seg, at leiðslan í Eik spurdi hvussu frádrátturin skuldi førast inn í rokniskapin og ikki um bankin hevði rætt til frádráttin
Ársskiftið 2015/2016 – Jørn Astrup Hansen fer úr nevndini
Januar 2016 – Spekt vil ikki skriva undir rokniskapin uttan átekning
27. januar 2016 – Eik vendir sær aftur til Taks
Januar 2016 – Fíggjarligt Støðufesti vendir sær til Fíggjarmálaráðið, og heitir á hesi um at fara upp í málið
Januar 2016 – Taks tekur málið uppaftur
21. mars 2016 – Deloitte grannskoðarafyritøkan, sum Eik brúkti sum ráðgevar, sigur gott fyri skattafrádráttinum
14. juli 2016 – Eik kærir Sosialin og Kringvarpið til fjølmiðlanevndina
23. september 2016 – Eik banki stevnir Jørn Astrup Hansen fyri ærumeiðing.
6. december 2016 – Fjølmiðlanevndin fríkennir miðlarnar í kærumálinum
7. februar 2017 – Taks broytir støðu. Frádrátturin fer frá 90 milliónum til 0 krónur.
7. mars 2017 – Bárður Larsen verður settur sum bráðfeingisstjóri á Taks at kanna skattamálið
21. mars 2017 – Eik banki og TF Holding broyta navn til Betri Banka og Betri samtakið
31. mars 2017 – Eik banki sleppur stevningini móti Astrup
1. juli 2017 – Bárður Larsen sendir frágreiðingina til Fíggjarmálaráðið
13. juli 2017 – Súni Schwartz Jacobsen fer frá sum stjóri í Betri Samtakinum
18. juli 2017 – Niðurstøðan í kanningini hjá Bárði Larsen verður almenn
