Ein maður er funnin sekur í at hava snýtt Havnar Róðrarfelag fyri 232.000 krónur, sum hann skal gjalda aftur innan tvær vikur. Hann fekk eisini 10 mánaðar treytaðan dóm Maðurin var ákærdur fyri at hava snýtt Havnar Róðrarfelag fyri 275.000 krónur, men kundi skalprógvað nýtsluna av einum parti av pengunum. Men eftir stóðu 232.000 krónur, sum dómarin metti, at hann av órøttum hevði brúkt, og sum hann nú skal gjalda aftur.
Maðurin varð dømdur 10 mánaðar fongulsrevsing, men hesin dómurin varð treytaður. Hann skal gjalda pengarnar aftur innan tvær vikur, einki lógarbrot fremja næstu tvey árini, skal gera ólønta samfelagstænastu í 200 tímar og verða undir eftirliti av Kriminalforsorgini í eitt ár.
Maðurin varð eisini dømdur fyri onnur lógarbrot, sum vóru komin afturat høvuðsmálinum. Hann misti millum annað koyrikortið í fimm ár orsaka av rúsdrekkakoyring.
